Әдістемелік жұмыстар
A - Размер шрифта A +

Әдістемелік жұмыстар

Облыстық білім беруді дамыту оқу-әдістемелік орталығы

  «Алматы облысының білім басқармасы» мемлекеттік мекемесінің «Облыстық білім беруді дамыту оқу-әдістемелік орталығы» коммуналдық мемлекеттік мекемесі  Алматы облысы Әкімдігінің 12 маусымдағы № 160 Қаулысымен құрылды.

     «Алматы облысының білім басқармасы» ММ «Облыстық білімді дамыту  оқу-әдістемелік орталығы»  КММ «Алматы облысының білім басқармасы» ММ «Облыстық білім беруді дамыту  оқу-әдістемелік орталығы»  КММ  болып атауы қайта өзгертілді (Алматы облысының Әкімдігінің 25.01.2019 жылғы №35 Қаулысы).

     Облыстық білімді дамыту  оқу-әдістемелік орталығы жұмысының мақсаты оқу-тәрбие үдерісіне жаңа педагогикалық және ақпараттық технологияларды, білім беру үдерісінің заманауи нысандары мен әдістерін, ғылым мен техниканың жетістіктерін, озық педагогикалық тәжірибені зерттеу және енгізу болып табылады.

Облыстық білім беруді дамыту оқу-әдістемелік орталығының мiндеттерi:

  1. Кәсіби даярлықтағы ақпараттық-коммуникациялық білімді жетілдіру, электронды ресурстарға барынша қол жеткізу;
  2. Педагог кадрлардың кәсіби біліктілігін әдістемелік тұрғыда жетілдіру;
  3. Шығармашылықты қолдау, педагогтардың зерттеушілік шеберлігін дамыту;
  4. Оқытудың, тәжірибе жинақтаудың жаңа педагогикалық, психологиялық, денсаулық сақтайтын оқыту технологияларын енгізу, оның сапасын арттыру;
  5. Инновациялық қызметті жетілдіру;
  6. Тәжірибелік-эксперименттік, зерттеу жұмыстарын сапалы нәтижеге бағыттау;
  7. Оқу-материалдық, нормативтік-құқықтық құжаттарды сауатты қолдануды ұйымдастыру;
  8. Білімді бақылау мен бағалаудың тиімді жолдарын іздестіру, тәжірибеге ендіру;
  9. Білім сапасын арттыруда оқыту жүйесінің өзектілігін айқындау, сапалы білім берудегі тиімді әдіснамаларды практикаға енгізу;
  10. ЖОО-ның және жалпы білім беру мекемелерінің сабақтастығын қамтамасыз ету;
  11. Іс- тәжірибе алмасуда ынтымақтастықты кеңейту.

Әдістемелік қызметтің негізгі бағыттары:

  1. Әдістемелік жұмыстың әртүрлі нысанын және оқу тәрбие процесін жетілдіруге және педагогтерге, білім беру ұйымдарына көмек көрсетуге бағытталған білім беру қызметкерлерінің кәсіби біліктілігін арттыру жөніндегі жұмысты (консультациялар, семинарлар, ғылыми-практикалық конференциялар, педагогикалық оқулар, кәсіби шеберлік конкурстар мен шебер кластар) ұйымдастыру және өткізу;
  2. Білім беру сапасын қамтамасыз ету бойынша оқу-әдістемелік жұмыс мазмұнын жетілдіру жөніндегі ұсынымдыдаманы, әдістемелік құралды әзірлеуді ұйымдастыру;
  3. Педагогикалық қызметті зерделеу, талдау және бағалау, білім беру жетістіктерін мониторингілеу, жұмыс тәжірибесін жинақтауды және жүйелендіруді қамтамасыз ету, олардың нәтижелілігі туралы деректер банкін құру;
  4. Білім беру ұйымдарына және жекелеген педагогтерге инновациялық қызметте қолдау көрсету, тәжірибелік-эксперименттік және зерттеу жұмыстарын жүргізу;
  5. Біліктілікті арттыру ұйымдарымен бірлесіп, педагог және басшы қызметкерлердің біліктілігін арттыруды болжау, жоспарлау және ұйымдастыру, педагогтерге үздіксіз білім беру жүйесінде ұйымдастыру-әдістемелік көмек көрсету.
© 2019. Авторские права защищены законодательством Республики Казахстан.
Разработка