«WorldSkills Taldykorgan» аймақтық кәсіби шеберлік чемпионаты
A - Размер шрифта A +

«WorldSkills Taldykorgan» аймақтық кәсіби шеберлік чемпионаты

«Техникалық және кәсіптік білімнің  мәртебесін, білім алушылар  мен жас мамандардың кәсіби шеберлігін арттыру, шығармашылық қабілеттері мен қызығушылығын қолдау, жұмыс дағдысы мен тәсілдерін жаңғырту және аймақаралық чемпионатқа қатысатын үміткерлерді анықтау» мақсатында Алматы облысының білім басқармасы 2018 жылдың 24-25 сәуір аралығында «WorldSkills Taldykorgan» аймақтықкәсіби шеберлік чемпионатын «Дәнекерлеу технологиялары», «Аспаз ісі», «Дизайн және киімді моделдеу», «Жеңіл автокөліктерді жөндеу және қызмет көрсету» және «Электромонтаждық жұмыстар»  құзіреттіліктері бойынша өткізді.

Аймақтық кәсіби шеберлік чемпионатының ашылу салтанатына  жұмыспен қамту және әлеуметтік  бағдарламалар басқармасының басшысы, Кәсіпкерлік, индустриалды-инновациялық даму басқармасының ауылшаруашылық, құрылыс басшылары, Кәсіпкерлер палатасының директоры және «WorldSkills Kazakhstan» Ұлттық чемпионат  кеңесінің сарапшысы арнайы шақырылды.

«WorldSkills Taldykorgan» аймақтық кәсіби шеберлік чемпионатында  82 қатысушының кәсіби шеберлігін «KHAMA PARK”,  «Айсер» мейрамханаларынан,  «Метакон», «Раушангуль»,  «Шагиева» жауапкершілігі шектеулі серіктестіктерінің және «ТАТЭК»  оқу орталығы, «Әскери-техникалық мектеп» мамандары   бағалады.

«WorldSkills Taldykorgan» аймақтық чемпионатының салтанатты жабылуы және қатысушыларды марапаттау рәсімі  25 сәуір күні  Талдықорған политехникалық колледжінде ұйымдастырылып,  жүлдегерлер қаржылай сыйлықтармен (Гран-при-25000, 1-орын-20000, 2-орын-15000, 3-орын-10000) дипломдармен естелік сыйлықтармен  марапатталды. 

«WorldSkills Taldykorgan» аймақтық чемпионаты сарапшыларының байқау қорытындысының  негізінде  «Дәнекерлеу технологиялары», «Аспаз ісі», «Киім үлгісін модельдеу мен дизайны», «Жеңіл автокөліктерді жөндеуші», «Электромонтаж жұмысы»  мамандықтарының жеңімпаздары және «Дизельді қозғалтқыштарға қызмет көрсету», «Астық сапасын айқындау», «Шаштараз өнері», «Графикалық дизайн», «Веб-дизайн», «Кондитер», «Ресепшон», «Құрғақ құрылыс және сылақшылық жұмыстар», «Желілік және жүйелік әкімшілік ету», «Ауылшаруашылық машиналарының слесарі» құзыреттіліктері бойынша 26 үміткер «WorldSkills Almaty 2018» аймақаралық  чемпионатына жолдама алды.


 

© 2018. Барлық құқықтар Қазақстан Республикасының заңдарында белгiленген қорғалған.
Әзірлеуші