Білім сапасын арттыруда IT-технологияларының тиімділігі

          Облыстық білім беруді дамытудың оқу-әдістемелік орталығының ұйымдастыруымен Іле ауданы, Боралдай кенті  №40 орта мектеп базасында ағымдағы жылдың 5 желтоқсанында жалпы орта білім беретін ұйымдарындағы информатика, физика, биология, музыка, ағылышын тілі, орыс тілі пәндері және бастауыш сынып мұғалімдеріне білім сапасын арттыруда IT-технологияларының тиімділігі мен  IT-технологиялармен  жұмыс жасауда әдістемелік көмек көрсету мақсатында «Білім сапасын арттыруда IT-технологияларының тиімділігі» тақырыбында  облыстық  оқыту семинары өткізілді. Семинардың тәжірибелік алаңында мұғалімдер IT-технологияларды  тиімді қолданудың ерекшеліктерімен, пән мен тілді кіріктіріп оқытуда мультимедиялық құралдарды  тиімді қолдану  және BilimLand ресурстарының мүмкіндіктерімен танысты. Аталған шараға  68 педагог қатысты.