A - Размер шрифта A +

Алматы облысы білім беру қызметкерлерінің тамыз конференциясы аясындағы тақырыптық алаңдар

Облыстық  білім беруді дамыту оқу-әдістемелік орталығы  2019 жылдың 21-22 тамыз аралығында BİLİM JÁNE ǴYLYM тақырыбында облыстық тамыз педагогикалық конференциясының тақырыптық алаңдарын өтуде.

21 тамызда Талдықорған қаласы №28 IT мектеп-лицейі (Көктем ш/а Б.Әшімов көшесі №9) базасында тақырыптық алаң жұмысына  облыстық директорлар Кеңесі мүшелері, облыстық мамандандырылған білім беру ұйымдары басшылары, мектеп басшылары, орынбасарлары, балалар үйі, мектеп-интернат директорлары, жекеменшік мектеп директорлары, филология, қоғамдық пәндер, қазақ, орыс, ұйғыр тілі мен әдебиеті пәндері, ағылшын тілі,  пән мұғалімдері, география, математика, өзін-өзі тану пәні мұғалімдерінің қатысумен 24 алаң жұмыс жасаса, Алматы облысының білім берудегі ақпараттық технологиялар орталығы (Талдықорған қаласы,  Мүшелтой 144 №17 мектеп)  базасында аудандық, қалалық білім бөлімдерінің ақпараттандыруға жауапты мамандар, информатика пәнінің мұғалімдері, IT мамандардың қатысуымен 1 алаң жұмыс жасады, Талдықорған қаласы, №12 «Бәйтерек» балабақшасы  (Өтенай ауылы Ә.Тұнғатов көшесі 12 А) базасында  мектепке дейінгі ұйымдарының меңгерушілері, мектепке дейінгі ұйымдарының әдіскерлері, тәрбиешілері, мектепалды даярлық сыныптары мен тобының педагогтары, мектепке дейінгі білім беру ұйымдары шетел тілі пәні мұғалімдеріне арналған 4 алаң жұмысы ұйымдастырылды. Талдықорған қаласы, «№ 1 ППТК» КММ (Ғарышкер шағын-ауданы  34) базасында Психологиялық-педагогикалық түзеу  кабинеті, ОПМПК  мамандары арналған 1 алаң жұмыс жасады.

 Оқушылар сарайы (Талдықорған қаласы, Қонаев көшесі 51) базасында колледж және жалпы орта білім беру мекемелерінің алғашқы әскери қосымша білім беру ұйымдарының педагогтары, жалпы орта білім беру ұйымдарының техникалық және робототехника үйірме жетекшілері, жас техниктер станциясы директорлары,  кәсіптік-техникалық білім беру ұйымдарының техникалық-шығармашылық бағытындағы үйірме жетекшілері, аудандық (қалалық) білім беруді дамыту оқу-әдістемелік орталығының робототехника пәні бойынша әдіскерлер қатысты оқыту панорамасында 4 алаң жұмыс жүргізді.

         21 тамызда Талдықорған қаласы, Талдықорған жоғары политехникалық колледжі базасында «Баршаға арналған тегін кәсіптік-техникалық білім беру» оқыту панорамасына техникалық және кәсіптік білім беру ұйымдарының директорлары, Талдықорған сервис және технология колледжі базасында  директорларының оқу-ісі жөнiндегi орынбасарлары, колледж директорларының оқу-өндірістік жұмысы жөнiндегi орынбасарлары, ғылыми-әдістемелік жұмыстар жөніндегі орынбасарлары, колледж директорларының оқу-тәрбие жұмысы жөнiндегi орынбасарлары, арнайы пән оқытушылары, өндірістік оқыту шеберлері, техникалық және кәсіптік білім беру ұйымдарының  педагог-психологтарына арналған 6 алаң жұмысы жоспарлануда.

Панорама барысында І.Жансүгіров атындағы Жетісу мемлекеттік университетінің ғалымдары, «ӨРЛЕУ» Алматы облысы бойынша педагог қызметкерлердің біліктілік арттыру ҰО АҚ және «НЗМ» ДББҰ ПШО филиалдарының мамандары, Талдықорған қаласындағы НЗМ педагогтары, ZERDE  компаниясы, «Атамекен» кәсіпкерлер палатасы, Алматы облысы бойынша сыбайлас жемқорлыққа қарсы іс-қимыл агенттігінің превенция және парасаттылық басқармасы, Алматы облысының жастар саясаты  мәселелері басқармасы, «ТАТЭК»  акционерлік қоғамы оқу орталығы, М.Тынышпаев атындағы өлкетану музейі, С.Сейфуллин атындағы Алматы облыстық әмбебап кітапханасы мамандары және  дарынды балаларға арналған білім беру ұйымдары  мұғалімдері мен тілдік курстар бойынша С2,С1,В2 тілдік деңгейді меңгерген пән мұғалімдері  шебер - класс, іскерлік ойындар, фасилитациялы сессия ТЕД панель, дискуссиялық алаң, тренингтер жүргізіп коучингтер өткізді.

Сонымен қатар, білім беру мазмұнын жаңарту жағдайында жаратылыстану пәндерінің ағылшын тілінде жүргізілу мәселелері қарастырылып, жаратылыстану-математика пәндерінен жаңа технология элементтерін қолдану  арқылы білім сапасын жетілдіру жолдарына  талдаулар жасалды. Оқыту панорамасына барлығы 41 алаң жұмысына, 1500 педагог қамтылды.Соңында оқыту панорамасын қорытындыланып, ұсыныстар қабылданды. 


 

 

 

 

© 2021. Авторские права защищены законодательством Республики Казахстан.
Разработка