A - Размер шрифта A +

Ең үздік кәсіптік білім беру ұйымы -2019

Алматы облысы әкімдігінің 2007 жылғы 31 мамырдағы «Білім беру ұйымдары мен ұстаздардың арасында облыстық конкурстар өткізу туралы» №92 қаулысына және Алматы облысы білім басқармасының 2019 жылғы жұмыс жоспарына сәйкес инновациялық білім беру қызметінің үздік тәжірибесін қолдау және тарату мақсатында 25 қыркүйек күні Талдықорған агро-техникалық колледжінің базасында техникалық және кәсіптік білім беру ұйымдарының арасында «Ең үздік кәсіптік білім беру ұйымы» атты  облыстық байқау ұйымдастырылып өткізілді. Байқауға қатысқан 8 оқу орны екі кезең бойынша сайысқа түсіп, өзіндік  презентациялары мен оқу-тәрбие үдерісінің моделін қорғады.

Қазылар алқасының шешімі негізінде бас жүлдені Алматы  экономикалық колледжі, екінші орынды Жамбыл атындағы Ұзынағаш кәсіптік колледжі, үшінші орынды Бастөбе сервистік-техникалық  колледжі,  «Инновация шеберханасы» номинациясын Алакөл гуманитарлық-техникалық колледжі, «Жетістік жолында» номинациясын Сарқан политехникалық колледжі, «Жаңашыл колледж» номинациясын Тоқжайлау  политехникалық колледжі иеленді. Бас жүлденің  марапатын облыс әкімі  облыстық ұстаздар күні мерекесінде  салтанатты түрде  табыс етпек.

Сондай-ақ, байқауға қатысқан оқу орындарының  жұмыстарын  ынталандыру мақсатында «Атамекен» кәсіпкерлер палатасы Кәсіптік оқудағы көпсалалы, Қапал кәсіптік-техникалық  колледждерін, Білім беру және ғылым қызметкерлерінің кәсіптік одағының Талдықорған аумақтық кеңесі  Алакөл гуманитарлық-техникалық, Тоқжайлау политехникалық колледждерін арнайы грамоталарымен марапаттады.


© 2021. Авторские права защищены законодательством Республики Казахстан.
Разработка